[Officium]
SSmi Spineæ Coronæ Domini Nostri Jesu Christi

[Rank]
;;Duplex majus;;4;;

[Rule]
9 lectiones
Psalmi Dominica
Antiphonas horas
Psalm5 Vespera=116
Gloria
Credo
Prefatio=Quad5

[Ant Vespera]
Diléctus meus candidus * et rubicúndus: comæ cápitis ejus sicut púrpura regis vincta canalibus.
Requievit super eum * spíritus timóris Dómini: coróna sapiéntiæ et exsultatiónis decorávit illum.
Índuit eum * Dóminus vestiméntis salútis, et induménto justítiæ, quasi sponsum decorátum coróna.
Fasciculus myrrhæ * diléctus meus mihi, inter líbera mea commorábitur.
Rex ætérnæ glóriæ * pro nobis coronátus, benedícet corónæ anni benignitátis suæ.

[Hymnus Vespera]
v. Exite Sion fíliæ,
Regis pudicæ vírgines,
Christi Corónam cernite,
Quam mater ipsa texuit.
_
Horret revulsis crinibus
Spinis cruentatum caput:
Et vultus ille decolor
Mortem propinquam réspicit.
_
Quæ terra fulcis ínvia,
Dumis rigens et sentibus,
Lugubre munus protulit.
Quæ sæva messuit manus?
_
Christi rubescens sánguine
Aculeos mutat rosis,
Palmamque vincens fructibus
Spina est triumphis aptior.
_
Culpis satæ mortálium
Te, Christe, spinæ vulnerant
Evelle nostras córdibus,
Tuasque nostris insere.
_
Virtus, honor, laus, glória ,
Deo Patri cum Fílio,
Sancto simul Paráclito,
In sæculórum sǽcula.
Amen.

[Versum 1]
V. Plecténtes corónam de spinis.
R. Posuérunt super caput ejus.

[Ant 1]
Egredímini, et vidéte fíliæ Sion, regem Salomónem in diadémate quo coronávit eum mater sua, parans crucem Salvatóri suo.

[Oratio]
Præsta, quǽsumus omnípotens Deus: ut qui in memóriam passiónis Dómini nostri Jesu Christi corónam ejus spíneam veneramur in terris, ab ipso glória et honóre coronari mereámur in cœlis:
$Qui tecum

[Invit]
Christum Regem spinis coronátum, * Veníte adorémus.

[Hymnus Matutinum]
@:Hymnus Vespera

[Ant Matutinum]
Erit tamquam lignum, quod plantátum est secus decúrsus aquárum, et fructum suum dabit in témpore suo.;;1
Convenérunt in unum advérsus Dóminum, et advérsus Christum ejus.;;2
In tribulatióne dilatásti mihi.;;4
Dómine, ut scuto bonæ voluntátis tuæ coronásti eum.;;5
Minuísti eum paulo minus ab Ángelis, glória et honóre coronásti eum.;;8
Peccatóres intendérunt arcum: paravérunt sagíttas suas in pháretra, ut sagíttent justum.;;10
Ingréssus sine mácula, et operátus justítiam, coronátus est in monte sancto tuo.;;14
Super caput ejus corónam de lápide pretióso posuísti Dómine.;;20
Advérsus eos, qui tríbulant me, impinguásti in óleo caput meum.;;22

[Nocturn 1 Versum]
V. Glória et honóre coronásti eum Dómine.
R. Et constituísti eum super ópera mánuum tuárum.

[Nocturn 2 Versum]
V. Posuísti Dómine super caput ejus.
R. Corónam de lápide pretióso.

[Nocturn 3 Versum]
V. Coróna áurea super caput ejus.
R. Expréssa signo sanctitátis.

[Lectio1]
@Tempora/Quad5-5

[Responsory1]
R. Maledicta terra in ópere hóminis,
* Spinas et tríbulos germinávit Christo.
V. Quia comédit Adam de ligno, ex quo præcéperat Deus ne coméderet.
R. Spinas et tríbulos germinávit Christo.

[Lectio2]
@Tempora/Quad5-5::1-4 s/-9/-8/

[Responsory2]
R. Appáruit Móysi Dóminus in flamma ignis de médio rubi:
* Et vidébat quod rubus ardéret, et non comburerétur.
V. Dixit ergo Móyses: Vadam, et vidébo visiónem hanc magnam.
R. Et vidébat quod rubus ardéret, et non comburerétur.

[Lectio3]
@Tempora/Quad5-5::1 s/10-12/9-11/
@Tempora/Quad5-5:Lectio2:5
@Tempora/Quad5-5::2-3

[Responsory3]
R. Ecce ignis et ligna: Deus providébit sibi
* Víctimam holocaústi.
V. Levávit Ábraham óculos suos, vidítque post tergum aríetem inter vepres hæréntem.
R. Víctimam holocaústi.
&Gloria
R. Víctimam holocaústi.

[Lectio4]
Sermo sancti Bernárdi Abbátis.
!Serm. 2. in Epiph. Domini
Egredímini fíliæ Sion; vobis dícimus, fíliæ Sion, ánimæ sæculares, débiles, delicatæ; fíliæ, et non fílii, in quibus nihil est fortitúdinis, nihil est virilis ánimi. Egredímini de sensu carnis ad intelléctum mentis, de servitúte carnalis concupiscéntiæ ad libertatem spirituális intelligéntiæ. Egredímini de terra vestra, et de cognatióne vestra, et de domo patris vestri, et vidéte regem Salomónem in diadémate, quo coronávit eum mater sua, in coróna paupertátis, in coróna misériæ; síquidem coronátus est et a noverca sua coróna spinea, coróna misériæ, coronandus a família sua coróna justítiæ, quando exíbunt Ángeli, et tollent de regno ejus ómnia scandala, quando véniet ad judícium cum senioribus pópuli sui, cum pugnabit pro eo orbis terrárum advérsus insensatos. Corónat eum et Pater coróna glóriæ, sicut ait Psalmista: Glória et honóre coronásti eum Dómine. Vidéte eum fíliæ Sion in diadémate quo coronávit eum mater sua.

[Responsory4]
R. Cum apparúerit princeps pastórum, quo percússo, dispersæ sunt oves gregis,
* Percipietis immarcescíbilem glóriæ corónam.
V. Cum fécerit grande convívium, ut osténdat divítias glóriæ regni sui.
R. Percipietis immarcescíbilem glóriæ corónam.

[Lectio5]
!Serm 41. in Cant.
Ego, fratres, ab ineúnte mea conversióne pro acervo meritórum, quæ mihi deesse sciebam, mihi fascículum collectum ex ómnibus anxietatibus et amaritudinibus Dómini mei colligare, et inter líbera mea collocare curavi. Memóriam abundántiæ suavitátis horum eructabo quoad vixero: in ætérnum non oblivíscar miseratiónes istas, quia in ipsis vivificatus sum. Mihi hic salutáris fasciculus servatus est; nemo tollet eum a me: inter líbera mea commorábitur. Hæc meditari, dixi sapiéntiam: in his justítiæ mihi perfectiónem constitui, in his plenitúdinem sciéntiæ, in his divítias salútis, in his cópias meritórum. Ex his mihi intérdum potus salutáris amaritúdinis: ex his rursum suávis linctio consolatiónis. Hæc me erigunt in advérsis, in prósperis reprimunt, et inter læta tristiaque vitæ præsentis, via régia incedenti tutum præbent utrobíque ducatum, hinc inde mala imminentia propulsando. Hæc mihi conciliant mundi Júdicem, dum treméndum potestatibus, mitem humilemque figúrant; dum non solum placabilem, sed et imitabilem repræsentant eum, qui inaccessibilis est principatibus, terríbilis apud reges terræ.

[Responsory5]
R. Accépit regnum decóris,
* Et diadéma spéciei.
V. Deus exaltávit illum, et dedit illi nomen, quod est super omne nomen.
R. Et diadéma spéciei.

[Lectio6]
Hæc proptérea mihi in ore frequénter, sicut vos scitis: hæc in corde semper, sicut Deus scit: hsec stylo meo ádmodum familiaria, sicut appáret: hgec mea sublimior ínterim philosophía, scire Jesum, et hunc crucifíxum. Non requiro, sicut sponsa, ubi cubet in merídie, quem lætus amplector mea inter líbera commorantem. Non requiro ubi pascat in merídie, quem intúeor Salvatórem in cruce. Illud sublimius, istud suavius: panis illud, hoc lac: hoc víscera réficit parvulórum: hoc replet líbera matrum; et ídeo inter líbera mea commorábitur. Hunc et vos, dilectíssimi, tam diléctum fascículum colligite vobis: hunc medúllis inserite cordis, hoc munite aditum pectoris, ut et vobis inter líbera commoretur. Si enim ante óculos habueritis quem portatis, pro certo vidéntes angústias Dómini, levius vestras portabitis, ipso auxiliante Ecclésiæ sponso, qui est super ómnia Deus benedíctus in sǽcula. Amen.

[Responsory6]
R. Arcam de lignis Setim deaurabis auro mundissimo intus et foris:
* Faciesque supra corónam áuream per circúitum.
V. Pones in arca testificationem, quam dabo tibi.
R. Faciesque supra corónam áuream per circúitum.
&Gloria
R. Faciesque supra corónam áuream per circúitum.

[Lectio7]
Léctio sancti Evangélii secúndum Joánnem.
!Joann. 19:1-5
In illo témpore: Apprehéndit Pilátus Jesum et flagellávit. Et mílites plecténtes corónam de spinis, imposuérunt cápiti ejus. Et réliqua.
_
Homilía sancti Bernárdi Abbátis.
!Ex Sermone 50 de diversis
Vidéte, fíliæ Sion, regem Salomónem. Non dicit Ecclesiasten, aut Ididam. Nam et his nomínibus appellátus est rex ille: et significat Jesum Christum, nostrum verum Salomónem, qui est Sálomon, id est, pacíficus in exsílio: Ecclesiastes, id est, concionátor in judício: Idida, id est, diléctus Dómini in regno, ibíque rex. In exsílio mansúetus, in judício justus, in regno gloriósus. In exsílio amabilis, in judício terríbilis, in regno admirábilis. In diadémate quo coronávit eum mater sua. Est autem hæc coróna misericórdiæ, et in hac imitabilis. Coronávit eum et noverca sua coróna misériæ, et in hac contemptibilis. Synagogam loquor, quæ se ei non matrem exhíbuit, sed novercam.

[Responsory7]
R. Fácies altáre ad adolendum thymiama de lignis Setim:
* Faciesque ei corónam aureolam per gyrum.
V. Ponesque altáre contra velum coram propitiatorio.
R. Faciesque ei corónam aureolam per gyrum.

[Lectio8]
Coronabit eum família sua coróna justítiæ, et in hac terríbilis: corónat eum Pater suus coróna glóriæ, et in hac desiderabilis. Vídeant ergo eum peccatóres in coróna misériæ, id est, spinea, et compungantur: vídeant eum fíliæ Sion, ánimæ affectuose, in coróna misericórdiæ, et imiténtur. Vidébunt eum ímpii in coróna justítiæ, et períbunt: vidébunt eum sancti in coróna glóriæ, et perpetualiter gaudébunt. Coronantur quidem et álii imitatóres ipsíus; sed hoc ex indústria adjúti per grátiam. Solus iste a matre coronátus est, quia solus cum ordinatis affectionibus, tamquam sponsus e thálamo, procéssit ex útero matris.

[Responsory8]
R. Christus sciens dolórem et infirmitátem, spinis coronátus,
* Ipse est qui corónat vos in misericórdia et miseratiónibus.
V. Vulnerátus propter iniquitátes nostras, attrítus propter scélera nostra, cujus Hvore sanáti sumus.
R. Ipse est qui corónat vos in misericórdia et miseratiónibus.
&Gloria
R. Ipse est qui corónat vos in misericórdia et miseratiónibus.

[Ant Laudes]
@:Ant Vespera

[Capitulum Laudes]
!Cant 3:11
Egredímini, et vidéte fíliæ Sion, regem Salomónem in diadémate quo coronávit eum mater sua.
$Deo gratias

[Hymnus Laudes]
v. Legis figuris pingitur
Christi Coróna nóbilis:
Implexa Spinis victima,
Ardensque testátur rubus.
_
Arcam coróna cinxerat,
Mensæque sacrum círculum
Aramque thure fumidam,
Corónam nectit ambiens.
_
Christi dolórum conscia
Salve Coróna glóriæ.
Gemmis et auro pulchrior
Vinces coronas siderum.
_
Virtus, honor, laus, glória
Deo Patri cum Fílio,
Sancto simul Paráclito,
In sæculórum sǽcula.
Amen.

[Versum 2]
V. Eris coróna glóriæ in manu Dómini.
R. Et diadéma regni in manu Dei tui.

[Ant 2]
Exívit Jesus portans spíneam corónam et purpúreum vestiméntum.

[Lectio Prima]
!Is 28
v. In die illa erit Dóminus exercítuum coróna glóriæ, et sertum exsultatiónis residuo pópuli sui.

[Responsory Breve Tertia]
R.br. Eris coróna glóriæ * In manu Dómini.
R. Eris coróna glóriæ * In manu Dómini.
V. Et diadéma regni in manu Dei tui.
R. In manu Dómini.
&Gloria
R. Eris coróna glóriæ * In manu Dómini.

[Versum Tertia]
@:Nocturn 1 Versum

[Capitulum Sexta]
!Apoc 6
Vidi, et ecce equus albus, et qui sedébat super illum, habébat arcum: et data est ei coróna, et exívit vincens, ut vínceret.
$Deo gratias

[Responsory Breve Sexta]
R.br. Glória et honóre * Coronásti eum Dómine.
R. Glória et honóre * Coronásti eum Dómine.
V. Et constituísti eum super ópera mánuum tuárum.
R. Coronásti eum Dómine.
&Gloria
R. Glória et honóre * Coronásti eum Dómine.

[Versum Sexta]
V. Tuam corónam adorámus Dómine.
R. Tuam gloriósam recólimus passiónem.

[Capitulum Nona]
@:Lectio Prima
$Deo gratias

[Responsory Breve Nona]
R.br. Tuam corónam * Adorámus Dómine.
R. Tuam corónam * Adorámus Dómine.
V. Tuam gloriósam recólimus passiónem.
R. Adorámus Dómine.
&Gloria
R. Tuam corónam * Adorámus Dómine.

[Versum Nona]
@:Versum 1

[Versum 3]
@:Versum 1

[Ant 3]
Et genu flexo ante eum, illudebant ei, dicéntes: Ave Rex Judæórum; et exspuentes in eum, accepérunt arúndinem, et percutiébant caput ejus.

[Introitus]
!Cant. 3:11
v. Egredímini et vidéte, fíliæ Sion, regem Salomónem in diadémate, quo coronávit eum mater sua, parans crucem Salvatóri suo. (Allelúja, allelúja.)
!Ps. 8:6-7
Glória et honóre coronásti eum, Dómine: et constituísti eum super ópera mánuum tuárum.
&Gloria
v. Egredímini et vidéte, fíliæ Sion, regem Salomónem in diadémate, quo coronávit eum mater sua, parans crucem Salvatóri suo. (Allelúja, allelúja.)

[Lectio]
Léctio libri Sapiéntiæ.
!Cant. 3:7-11; 4:1,8
Léctulum Salomónis sexagínta fortes ámbiunt ex fortíssimis Israël: omnes tenéntes gládios et ad bella doctíssimi: uniuscujúsque ensis super femur suum propter timóres noctúrnos. Férculum fecit sibi rex Sálomon de lignis Líbani: colúmnas ejus fecit argénteas, reclinatórium áureum, ascénsum purpúreum: média caritáte constrávit propter fílias Jerúsalem. Egredímini et vidéte, fíliæ Sion, regem Salomónem in diadémate, quo coronávit illum mater sua in die desponsatiónis illíus et in die lætítiæ cordis ejus. Quam pulchra es, amíca mea, quam pulchra es! Óculi tui columbárum, absque eo, quod intrínsecus latet. Veni de Líbano, sponsa mea, veni de Líbano, veni: coronáberis.

[Graduale]
!Eccl. 45:14
Coróna áurea super caput ejus: expréssa signo sanctitátis, glória honóris et opus fortitúdinis.
!Ps 20:4
V. Quóniam prævenísti eum in benedictiónibus dulcédinis: posuísti in cápite ejus corónam de lápide pretióso.
Allelúja, allelúja.
!Is 28:5
V. Coróna tribulatiónis efflóruit in corónam glóriæ et sertum exsultatiónis. Allelúja.

[GradualeP]
Allelúja, allelúja.
!Eccl. 45:14
V. Coróna áurea super caput ejus: expréssa signo sanctitátis, glória honóris et opus fortitúdinis. Allelúja.
V. Tibi glória, hosánna: tibi triúmphus et victória: tibi summæ laudis et honóris coróna. Allelúja.

[Tractus]
!Eccl. 45:14
Coróna áurea super caput ejus: expréssa signo sanctitátis, glória honóris et opus fortitúdinis.
!Ps 20:4
V. Quóniam prævenísti eum in benedictiónibus dulcédinis: posuísti in cápite ejus corónam de lápide pretióso.
_
!Tractus Is 61:10
Índuit eum Dóminus vestiméntis salútis, et induménto justítiæ, quasi sponsum decorátum coróna.
!Is 28:5
V. Coróna tribulatiónis efflóruit in corónam glóriæ et sertum exsultatiónis.
!Sap. 5:17
V. Accépit regnum decóris, diadéma spéciei.

[Evangelium]
Sequéntia ++ sancti Evangélii secúndum Joánnem.
!Joann 19:1-5
In illo témpore: Apprehéndit Pilátus Jesum et flagellávit. Et mílites plecténtes corónam de spinis, imposuérunt cápiti ejus: et veste purpúrea circumdedérunt eum. Et veniébant ad eum et dicébant: Ave, Rex Judæórum: et dabant ei álapas. Exívit ergo íterum Pilátus foras et dicit eis: Ecce, addúco vobis eum foras, ut cognoscátis, quia nullam invénio in eo causam. Exívit ergo Jesus portans corónam spíneam et purpúreum vestiméntum.

[Offertorium]
Tuam Corónam adorámus, Dómine: tuam gloriósam recólimus passiónem. (Allelúja.)

[Secreta]
Tuórum mílitum, Rex omnípotens, virtútem róbora: ut, quos in hujus mortalitátis stádio unigéniti Fílii tui Coróna lætíficat; consummáto cursu certáminis, immortalitátis bravíum apprehéndant.
$Per eundem

[Communio]
!Prov. 4:9
Lætáre, mater nostra, quia dabit Dóminus cápiti tuo augménta gratiárum, et coróna ínclita próteget te. (Allelúja.)

[Postcommunio]
Súpplices te rogámus, omnípotens Deus: ut hæc sacraménta, quæ súmpsimus, per sacrosánctæ Fílii tui Corónæ, cujus sollémnia recensémus, virtútem, nobis profíciant ad medélam.
$Per eundem
